Related Posts:

ቤትማእሰርቲ ኣደርሰር ተሓይሮም ዘለዉ ብኸፊል ዝበጽሓና ሰነድ ዝርዝር ኣስማት ትሕቲ ዕድመ ከምዚ ዝስዕብ እዩ።

source http://assenna.com/

ብመሰረት’ቲ ሓበሬታ፡ ኣብቲ ኣብ ጋሽ ባርካ ዝርከብ ቤትማእሰርቲ ስለያ ስርሒት ዞባ 2 ፡ ብዝተፈላለየ ምኽንያት 372 ኤርትራውያን ተኣሲሮም ይሳቐዩ ኣለዉ።

ኣተሓሕዛ ናይቶም እሱራት ኢሰብኣዊ ምዃኑ ብምጥቃስ፡ ኣብቲ ቤትማእሰርቲ፡ እተን እሱራት ደቀንስትዮ ብኣባላት ሓለዋ ናይቲ ቤትማእሰርቲ ተዓሚጸን ጥንሲ ከምዘጋጥመን እቲ ሰነድ ይገልጽ።

ሓንቲ ስተል መሓመድ ዓሊ ዝተባህለት ጓል 27 ዓመት እስርቲ ጓል ኣንስተይቲ ኣብቲ ቤትማእሰርቲ ጥንሲ ኣጋጢሙዋ፡ ሓደ እዋን ንሕክምና ባረንቱ በጺሓ ምስ ተመልሰት ብ 16 መጋቢት 2011 ኣብ ውሽጢ ሸላ ቤትማእሰርቲ ሞይታ ከምዝጸንሐት እቲ ሰነድ ይሕብር። ነቲ ዘጋጠማ ጥንሲ ሓላፍነት ዝወስደሉ ኸኣ ኣይተረኽበን።

ብዘይካ’ዚ፡ ኣብ 2011 ዓመተ ምህረት ጥራይ፡ ሰኣን ግቡእ ሕክምና፡ ኣሮን በራኺ ተኽለብርሃን ወዲ 30 ዓመት፡ ኣድም ኣረይ፡ ከምኡ ‘ውን ሳሮን መሓሪ ጊላይ ጓል 19 ዓመት፡ ብጠቕላላ 4 መንእሰያት ሞይቶም።

ዝርዝር ኣስማት ናይቶም ኣብ

እተን ብሰንኪ ሃይማኖታዊ እምነተን ኣብ ስርሒት ስለያ ዞባ 2 ተኣሰኢረን ዘለዋ ድማ እዘን ዝስዕባ እየን።

ምልካዊ ስርዓት ህግደፍ ሚኒስተራትን ጀነራላትን፡ ጋዜጠኛታት፡ ሽማግለታት፡ ኣመንቲ ምስልምናን ክርስትናን ከምኡ ‘ውን ብብዝሒ መንእሰያት ዝርከቡዎም ኣሽሓት ኤርትራውያን፡ ኣብ ዝፍለጡን ዘይፍለጡን ኣብያተ ማእሰርቲ ኣሲሩ የሳቕዮም ከምዘሎ፡ ብዙሓት ከኣ ብሰንኪ ሕማቕ ኣተሓሕዛን ጉድለት ሕክምናዊ ክንክንን ከምዝሞቱ ይፍለጥ።

ይኹን’ምበር፡ ሓደ ሓደ ብትሑት ሲቪላዊ ገበናት ዝተኣሰሩ ውልቀሰባት ኣብ ተለቭዥን “እቲ ዘለናዮ ቤትማእሰርቲ ካብ ገዛና ይጥዕም” ከምዝብሉ እናገበረ፡ ነቲ ኣብ ምስጢራዊ ኣብያተ ቤትማእሰርቲ ኣብ ልዕሊ ናይ ፖለቲካን እምነትን እሱራት ዝፍጽሞ ዘሎ ግፍዕታት ክሸፋፍኖ ይፍትን ኣሎ።

Related Posts: