Asena

Home ትግርኛ ዜና ስርዓት ህግደፍ ኣባላት ራድዮ ባና ዝርከቡዎም ልዕሊ 30 ሰራሕተኛታት መንግስቲ በልማማ ኣሲሩ።

ስርዓት ህግደፍ ኣባላት ራድዮ ባና ዝርከቡዎም ልዕሊ 30 ሰራሕተኛታት መንግስቲ በልማማ ኣሲሩ።

Sunday, 22 February 2009

እቲ ብጭንቀት ተዋሒጡ ዘሎ ስርዓት ህግደፍ፡ ኣባላት ራድዮ ባና ማለት ፈነወ ትምህርቲ ንዓበይቲ ዝርከቡዎም ልዕሊ 30 ሰራሕተኛታት መንግስቲ ከምዝኣሰረ ምንጭታት ኣሰና ካብ ኣስመራ ሓቢሮም። ብመሰረት ‘ቲ ሓበሬታ፡ እቲ ስርዓት ነቶም ኣብ ማእከል ኮምብሽታቶ ናይ ሎሚ ጎደና ሓርነት ኣብ ዝርከብ ቀንዲ ቤትጽሕፈት ሚኒስትሪ ትምህርቲ ተጸጊዓ ኣብ ዝተደኮነት መደበር ራድዮ ባና ንዝሰርሑ ዳርጋ ንብሙሉኦም ኣባላታን ካልኦት ኣብቲ ከባቢ ዝዓዩ ሰራሕተኛታት መንግስትን ብዘይንጹር ምኽንያት ከምዝኣሰረ ምስ ተሰምዐ ህዝቢ ደንጽዩዎ በቲ ወረ ተናዊጹ ኣሎ።  ዛጊት ረኺብናዮ ብዘለና ሓበሬታ፡ ኣብ መንጎ’ቶም እሱራት፡ ገዲም ተጋዳላይን መምህርን ተስፋይ ባርያጋብር፡ ኣብ ሚኒስትሪ ትምህርቲ፡ ትምህርቲ ንዓበይቲ፡ ሓላፊ ጨንፈር ባሲልዮስ ዘሞ ከምኡ ‘ውን ኣለም ዑቕባይ፡ ኢሳቕ ተስፉ፡ እስቲፋኖስ ዝብሃሉ ኣባላት ቤትትምህርቲ ሰውራ ነበር ይርከቡዎም።

Last Updated ( Monday, 23 February 2009 )

 

< Prev		Next >